శ్రీమత్స్యగిరి లక్ష్మీ నరసింహ స్వామి పాట

 పల్లవి:

చిన్న చిన్న పాదాలంట.. దేవుడి రూపాలంట

గుట్టపైన గుండాలంట.. జీవమున్న చేపలంట

||చిన్న చిన్న||

చరణం 1:

దేవుడి చేపల రూపాలంట..

మూడు నామాల చేపలంట!

మత్స్యగిరి హరి రూపమంట..

కనులారా చూస్తే పుణ్యమంట

||చిన్న చిన్న||

చరణం 2:

నరసింహుని అవతారమంట..

హనుమంతుడు క్షేత్రపాలకుడంట!

మంచి చేసే దేవుడంట..

శ్రీలక్ష్మీ సమేత రూపమంట

||చిన్న చిన్న||

చరణం 3:

గుండములోన స్నానాలంట..

స్వామివారి దర్శనాలంట

భక్తితో కొలిచి మొక్కితే చాలు..

పాపాలన్నీ తొలుగునంట!

||చిన్న చిన్న||

చరణం 4:

ప్రశాంతతకు ఇది నిలయమంట..

వ్యోములు ఋషుల పుణ్యభూమిఅంట

అభయ వృక్షం దేవుడంట

గుండము నీటిలో దైవత్వమంట

మత్స్యగిరి నామ జపమంట..

తలుచుకుంటే మనసు శాంతించునంట

||చిన్న చిన్న||

రచన. నర్సింహ వెల్మజాల

గ్రామము. దుప్పల్లి.