తోవంత రాళ్ళు రాప్పలే
ఊరంత బురద మల్లె
డొక్కు ఆటోల ప్రయాణం
ఇదే నేటి పల్లెలో జీవనం
వాడలో వీధి దీపాలే
వెలిగేది పండుగ ముందరే
ఇంటిపై కప్పులో కోతుల గోల
వాటి పోరుకే మా బంధువులు ఢీలా
స్వర్ణోత్సవాల భారతమ్మ
పల్లెలో మారలేదు మా జీవితాలమ్మ
ఎక్కడ ఆ సంబరాలు
స్వాతంత్ర్యం లేని జీవితాలు
చదివినా సదువులు అంతంతే
విజ్ఞానం బుర్రలో కొంత ఇంతే
మా నుదుట పంకిలం ఎప్పుడంతే
పేదల జీవితాల్లో వెలుగంతే
అర్థరాత్రి స్వతంత్రం
అది ఎవరికీ ఏమి ఉపయోగం
బడా బాబుల కుతంత్రం
నాడు నేడు పేదలకు దక్కని
స్వేచ్చా స్వాతంత్ర్యం
వెల్మజాల నర్సింహ .15.08.2024.
No comments:
Post a Comment